35-годишен државјанин на Холандија илегално влегол во Македонија. Неговото пристигнување во државава не било евидентирано на ниту еден граничен премин во земјава.
Откако нелегално влегол тој дошол во Струга каде си се пријавил и сместил во хотел.
Полицијата го пронашла холанѓанецот во хотелот и откако е извршена проверка утврдено е дека нема печат за влез во државава, како ни евиденција за негово минување на границата.
Во информацијата до МВР се вели:
„ На 18.05.2023 околу 14 часот од хотел во Струга, полициски службеници од ОВР Струга го привеле А.Х.Д.М.(35) од Холандија, затоа што претходно остварил илегален влез во државата.
Тој бил предаден на полициски службеници за прекуграничен криминал и имиграции при Регионалниот центар за гранични работи Запад. По целосно документирање на настанот ќе биде поднесен соодветен поднесок.“
Холанѓанецот освен што ќе добие пријава, тој ќе биде најверојатно и депортиран од земјава, а може да добие и забрана за повторен влез.