Холандскиот министер за надворешни работи, Берт Коендерс во својство на Претседавач со Европската унија испрати писмо до четирите политички партии потписнички на Договорот од Пржино.
Коендерс во писмото изразува загриженост заради состојбите во Македонија и бара веднаш да се изнајде решение за излез од кризата.
Тој вели дека не се исполнети минимум критериумите за фер и кредибилни избори, а тоа се прочистен избирачки список, реформи во медиумите и одвојување на државата од партијата и крај на вознемирувањето на гласачите
Во писмото, Коендерс наведува дека Ѓорге Иванов треба веднаш да ја повлече одлуката за аболиција.
„Да се дозволи на Специјалното јавно обвинителство да работи без пречки е од суштинско значење за решавање на политичката криза и за враќање на довербата од граѓаните“, наведува Коендерс во писмото.
