По повод кампа
њата „За последен прв септември без сеопфатно сексуално образование“, невладината организација „Хера“ денес во Куманово организираше петиција. Имено организација смета дека е неопходно воведување на вакво образование, бидејќи според нивните информации младите немаат место каде да ги адресираат своите прашања во однос на сексуалноста, сексуалното и репродуктивното здравје и човековите права.
-Нашето истражување кое што се викаше „Љубов после часови“ покажа дека професорите, наставниците, родителите и децата го дадоа својот глас за воведување вакво образование. Проблем е во тоа што младите имаат многу погрешни, непроверени информации, затоа што има интернет портали кои што пласираат неточни информации-изјави волонтерот и член на Управниот одбор на „Хера“, Велимир Савески.
Тој додаде дека преку воведување на сеопфатно сексуално образование младите ќе дознаат информации кои што се научно потвредени, базирани на најновите докази на медицината.
-Најголем дел од времето го поминуваат во училиштето, така што навистина сметаме дека истото е најдобро место за да ги дознаат сите информации. Поддршка треба да добиеме уште од Струмица, Тетово и Скопје-наведе Савески.
Организаторите истакнаа дека се задоволни од постигнатото, затоа што се уште постојат граѓани кои без разлика на нивната возраст, пол или националност им даваат поддршка. Тие додадоа дека откако ќе заврши кампањата, петицијата ќе ја испратат во Министерството за образование.
Елена Георгиевска