Мала група демонстранти на заминување од протестот и по демолирањето на канцеларијата на Ѓорѓе Иванов ги искршија прозорците и вратите на Министерството за правда, во центарот на Скопје.
Претходно го запалија целиот мебел од канцеларијата на Иванов, а беа фрлени и неколку димни бомби.
По нападот врз Министерството за правда реагираа специјалните единици на МВР по што настана бркотница во повеќе правци и по неколку улици во Скопје. Беа уапсени десетина демонстранти а повредени еден новинар и двајца фоторепортери.