Еврокомесарот за проширување на Унијата, Јоханес Хан преку неговиот профил на социјалната мрежа „Твитер“ порача дека ова се одлучувачки денови за Македонија каде претстои гласање за иднината на земјата.
„Ова се одлучувачки денови за Македонија. Пратениците ќе гласаат за историскиот Преспански договор што ги отвора вратите на земјата за евороатлантската интеграција. Ова е гласање за иднината на земјата и позитивните перспективи за граѓаните“ гласи коментарот на Хан на „Твитер“.
These are decisive days f. the former Yugoslav Republic of #Macedonia. MPs will vote on the historic #Prespa agreement which opens the door to the country's #euroatlantic integration. It is a vote about the future of the country + positive perspectives for its people. 1/1
— Johannes Hahn (@JHahnEU) October 19, 2018
Во Собранието во 15 часот ќе започне седницата за уставните измени, каде се очекува пратениците да гласаат, по исцрпувањето на дискусијата. Неофицијално, обезбедено е потребното дво-третинско мнозинство.
