Јоханес Хан, еврокомесарот за соседска политика и за преговори за проширување на ЕУ, се сретна со лидерот на опозицијата, Зоран Заев.
По средбата немаше изјави за новинарите, Хан само кусо кажа дека не може ништо да коментира додека не се сретне и со претставници на власта и на опозицијата.
– Се обидувам да најдам решение за доброто на вашата држава, не можам ништо друго да кажам додека не се сретнам со сите претставници – кусо изјави Хан.
По средбата со Заев, еврокомесарот треба да се сретне со премиерот Никола Груевски.
Претходно Хан се сретна со претседателот Ѓорге Иванов, претседателот на Собранието, Трајко Вељаноски, и со заменик-претседателот на Владата за европски прашања, Фатмир Бесими.
Извор: Мета