Амбасадорката на САД во НАТО, Кеј Бејли Хачинсон денеска потврди дека сите очекуваат знамето на Северна Македонија да започне да се вее пред седиштето на Алијансата во Брисел мошне скоро, најрано на пролет.
Хачинсон утре во Брисел ќе учествува на состанокот на министрите за одбрана на земјите членки на Алијансата.
На денешниот брифинг за новинарите таа укажа дека на состанокот ќе се разговара за тековните приоритети и насоките дадени „на НАТО самитот лани во декември“.
HAPPENING NOW: Live@State w/ @USAmbNATO who is answering journalists'questions at @NATO HQ #DefMin pic.twitter.com/BPio6ECyTh
— Brussels Media Hub (@USAandEurope) February 11, 2020
Еден од приоритетите годинава е проширувањето на Алијанста со уште една земја, Северна Македонија, откако поминаа ратификациите во парламентите на сите земји членки.
Знамето на Македонија ќе се вее пред Брисел најрано на пролет. Нашите македонски сојузници направија одлична работа со реформите.
Пофалби за трпението и за лидерството со решавањето на (проблемот) со името што беше клучно за започнување на целиот процес на членство, изјави таа.
На утрешниот состанокот ќе се говори и за соработката меѓу НАТО и ЕУ за армиска мобилност и споделување на трошоците во НАТО.
.