Поголема група, синоќа, нападнале лице од Скопје, удирајќи го по главата и телото, по што му го украдиле лап-топот, соопштија од МВР.
Ноќеска околу 03,00 часот во ЕИК-Скопје, Ј.Ф. (31) од Скопје пријавил дека истиот ден околу 01,00 часот на ул.„Дебарца“ од страна на осум непознати лица му било извршено разбојништво на тој начин што без повод и причина физички го нападнале удирајќи го во пределот на главата и телото и притоа му одзеле лап-топ компјутер кој го носел во рака по што го напуштиле местото на настанот. Се преземаат мерки за целосно расчистување на случајот.