Грунчев: Запленетиот глисер е мој, не на Кичеец

Од:

Глисерот што полицијата го заплени во Охрид, кој треба да биде доказ во случајот „Рекет“, е огласен за продажба и не е во сопственост на Зоран Милевски, познат како Зоки Кичеец, дознава „А1он“. Како вистински сопственик се јавува охриѓанецот Марјан Грунчев, кој за „А1он“ тврди дека станува збор за грешка и бара да му се врати глисерот.

„Глисерот е мој, станува збор за некоја грешка дека е на Зоки Кичеец, пријавив во МВР, поднесов документи и мојот адвокат си ја брка работата. Не знам како може да дојде до ваква грешка, и јас се чудам“, вели Грунчев за „А1он“.

Грунчев вели дека се познава со Кичеец, кој се возел во глисерот, и додава „Можеби затоа е дојдено до таква забуна“.

„Глисерот се води на мое име. Ниту сум го купил од Зоран, ниту ништо. За истиот имам потенцијални купувачи, се јавуваат луѓе“, додава Грунчев.

Цената на огласот е 50 илјади евра, а пишува дека се наоѓа во Охридско Езеро, иако истиот по заплената е во охридската касарна.

„Продавам глисер ‘баја марине’, должината е 8.5, а ширината 2.5, силата на моторот е 800 кс. Регистиран, сервисиран и моментално се наоѓа во Охридско Езеро. Комплет со приколка и многу добра опрема. Во одлична состојба“, пишува во огласот.

Би можело да ве интересира

Боки 13 и Катица Јанева утре ќе бидат спроведени од затвор, повторно ќе се бранат заедно

Кристијан Ландов

(ВИДЕО) Интервју со таткото на Боки 13: Каде заврши торбата „Луј Витон“, загрозен ли е животот на неговиот син

Кристијан Ландов

Катица Јанева дома ја дочекала Новата година

Кристијан Ландов

(ВИДЕО) Таткото на Боки 13 прозборе за „Рекет“, торбата „Луј Витон“, седенките во кафеана со Русковска и Јанева

Кристијан Ландов

Кој ја зборува вистината: „А1он“ му понуди полиграф, Боки 13 прифати да одговара во живо – државата на потег да одобри

Боки 13 со бројни обвинувања до Заев: Еве прилика да видиме кој е педер, а кој маж

Катерина Павлова-Николовска