Лидерот на ВМРО-ДПМНЕ, Никола Груевски во интервју за емисијата „200“ на Алсат, кажа дека партијата не била никогаш против Албанците, ниту дека на митинзите некој извикувал против Албанците. Тој кажа дека протестите на кои се извикуваа пароли против Албанците не биле протести организирани од ВМРО-ДПМНЕ.
Груевски на прашањето како реагира на изјавите на Гордана Јанкулоска која Албанци ги викаше Индијанци рече:
-Не знам дали ги нарекувала така, станува збор за креирани материјали, но не знаеме како СДСМ ги нарекува. Станува збор за креирани материјали. Ги осудувам сите навреди кон било кои луѓе, ако има навреди кон Албанците ги осудувам тие навреди, рече Груевски.
Зошто ние би биле против Албанците, јас бев премиер на сите Албанци. Не е случајно што државната администрација која вработуваше 10 проценти Албанци сега вработува 20 проценти во државната администрација благодарение на ВМРО-ДПМНЕ.
Вложивме 400 милиони евра за автопатишта каде доминантно население се Албанците.
Законот за албанскиот јазик, Груевски кажа дека ВМРО-ДПМНЕ не го поддржува зошто економијата била најважна за Албанците, но и дека законот не бил уставен и можеби ќе паднел на Утавен суд.
-ВМРО-ДПМНЕ нема против употребата на јазиците на сите етнички заедници, 2008 година се донесе законот за употреба на јазиците во време на ВМРО-ДПМНЕ. Ние не сакаме да се донесе Закон кој е противуставен и да падне на Уставен суд. СДСМ оди на картата пред локалните избори да понуди закон за албанскиот јазик, со кој се зголемуваат правата на начини спротивни на Уставот. И тоа што го планираат по изборите, или ќе го коригираат или ќе го променат што не е чесно за Албанците. Сите членови на МАНУ кои го поддржуваат СДСМ, јавно говорат дека законот е неуставен и дека ќе падне на Уставен суд, рече Груевски.