Со 53 гласа „за“ и 2 „воздржани“ се донесе дополнување на Законот за пратеници со кој се предвидува пратениците кои ќе имаат казна затвор од 6 месеци, да го изгубат правото на пратеничка плата, надоместоци, патни трошоци, како и сите останати бенефиции.
Даниела Рангелова од ВМРО-ДПМНЕ гласаше за да му се одземе пратеничката плата на Груевски, додека воздржани беа Илија Димовски и Талат Џафери. Останатите пратеници не гласаа.
Според пратеничката од СДСМ, Снежана Келевска, која е поднесител на ваквото дополнување на Законот за пратеници, овој закон е со цел сите пратеници да бидат еднакви, и да не се повтори случајот со Никола Грувески.
Со новите дополнувања сега престанува да му тече платата на екс-премиерот Никола Груевски кој е во бегство.
Никола Груевски е осуден на ефективна двегодишна казна затвор во предметот на Специјалното јавно обвинителство „Тенк“. Груевски избега од Македонија во Унгарија во месец ноември, и оттогаш не доаѓа во Собранието како пратеник.
Габриела Димковиќ-Мишевска