Премиерот Никола Груевски најави дека нема да се откаже од проектот „плаќање по учинок“ и дека тој останува на сила.
Според него овој проект е долго подготвуван, добро осмислен и работен заедно со лекарите, и има за цел да им помогне на лекарите кои одговорно и посветено си ја вршат работата. Тој ги охрабри оние кои непрофесионално работат да станат посветени кон работата.
Премиерот рече дека доколку има какви било проблеми со бодувањата Владата е подготвена да разговара за тоа, но не и за барањето да се поништи „плаќањето по учинок“.
За Груевски ова е клучната реформа во здравството и тој како премиер застанува зад реализацијата на проектот. Лекарите за кои кажа дека се политички мотивирани и го користат проектот за да ја дисквалификуваат владината политика во здравсгвото, најави дека ќе ги прими на разговор.
