„Не сакам да верувам дека последните провокации се сценарио за притисок за земјава да повлече чекор кој би бил од туѓ интерес“, зборувајќи за евроинтеграциите и спорот со името, ова го изјави премиерот Груевски, на синоќешната трибина во Тетово.
Изјавата доаѓа откако евроамбасадорот Аиво Орав во свој говор го употреби зборот „славомакедонци“.
„Четири години Македонија добива позитивен извештај од Европската комисија и препорака за отпочнување преговори“, посочи Груевски, потенцирајќи дека на патот на евроинтеграциите не кочи само јужниот сосед.
Рече дека за името единствено може да одлучуваат граѓаните на референдум.
