Премиерот Никола Груевски остана без коментар на изјавата на бугарскиот премиер Марин Рајков дадена за бугарската агенција „Фокус“, во која тој вели дека спомениците на бугарски историски личности во Скопје се најубедливиот аргумент за да ја прославуваме заедничка историја заедно.
Груевски рече дека не би ја коментирал оваа изјава, но, како што рече, нему му се допаѓаат новите споменици.
Инаку, во текстот на бугарската агенција се вели дека спомениците се дел од бугарската историја во Република Македонија.
– Веќе јасно кажав дека ја гледам оваа соседна земја како сестринска република, со која делиме заедничко минато и треба да делиме заедничка иднина. Никој нема сомневање дека Христо Татарчев е Бугарин, какви што, се разбира, беа и Гоце и Даме и Борис Сарафов, и Тодор Александров – посочи Рајков.