Експремиерот, Никола Груевски не се појави на седницата на Комисијата за мадатно имунитетни прашања во Собранието, каде се расправа за одземање на неговиот пратенички мандат.
Освен членовите на Комисија, бил поканет и пратеникот Груевски, кој сепак не се одѕва на поканата.
Предлогот за одземање на мандатот на Груевски е врз основа на добиено известување од основниот суд за пресудата од две години затворска казна поради случајот со „мерцедесот“.
За одземање на иминутетот на некогашниот премиер, потребно е двотретинско мнозиство, а осумте опозициски кои претходно ги поддржаа уставните измени минатата недела се изјаснија дека нема да поддржат одземање на пратеничкиот мандат на Груевски.
Поранешниот премиер беше прогласен за виновен и осуден, заедно со првообвинетиот во случајот „Тенк“ Ѓоко Поповски. Двајцата поднесоа жалба до Апелацискиот суд Скопје, кој како неоснована ја одби на на Груевски, а делумно ја прифати жалбата на Поповски. Во предметот „Тенк“ осудена е и поранешната министерка за внатрешни работи Гордана Јанкулоска на шест години затвор.
Галена Николовска-Ризвановиќ