Груевски му се пожали на норвешкиот амбасадор дека власта спроведува политички прогон

Од:

Претседателот на ВМРО-ДПМНЕ Никола Груевски, оствари средба со амбасадорот на Кралството Норвешка, Арне Санес Бјорнстад. На средбата се разговараше за актуелната состојба во државата и стратешките интереси на Република Македонија.

Груевски посочи дека власта спроведува политички прогон и реваншизам врз сите оние кои различно мислат. Доказ за тоа се и приведените за настаните од 27 април кои се предмет на хајка и монструозно обвинение.

– Во притвор се наоѓаат невини луѓе, a во исто време кога се носи амнестија за над 1000 затвореници и се ослободуваат убиците на децата на Смилковско езеро. Меѓу другото се апсат пратеници и се определува притвор со цел да се оневможи нивно физичко присуство во парламентот. Република Македонија е држава каде власта уапси 12 осто од пратеничката група на водечката опозициска партија или 5 осто од вкупниот пратенички состав, посочи Груевски.

Тој додаде дека истовремено политичкиот прогон се случува и во поширока смисла, a СДС преку СЈО креира непостоечки обвиненија. Се кршат закони и измислуваат случаи, а во предизборието и по него посебна мета беа и градоначалниците на ВМРО-ДПМНЕ кои во екот на кампањата се соочуваа со фабрикувани кривични пријави, како форма на притисок. Над 150 луѓе од ВМРО-ДПМНЕ се предмет на судска, полициска и политичка хајка зад која се кријат политички мотиви.

– Политичкиот прогон мора да престане, исто како што мора да се стави крај на гушењето на демократијата. Додека систематски се задушува слободата, економијата тоне, а стандардот на граѓаните слабее, истака Груевски.

– Во ваква една атмосфера на страв, закани и уцени невозможно е земјата да се посвети на вистинсите стратешки интереси како што е членството во НАТО, посочи Груевски.

Претседателот на ВМРО-ДПМНЕ Груевски посочи дека за Република Македонија мора и треба да останат приоритет членството во ЕУ и НАТО и враќање на реформскиот процес што ќе значи унапредување на стандардите во многу сфери од општествениот и политички живот.

Би можело да ве интересира

ВМРО-ДПМНЕ: Новиот кандидат за Струмица со Заев исклучуваше од струја цели ромски семејства, ако не гласаат за нив

А1он

Левица: Македонскиот народ сè помалку верува во членство на државата во ЕУ

СДСМ: Која е целта на Филипче со разгорувањето тензии?

Горан Наумовски

ВМРО-ДПМНЕ: Чочекот е единственото што СДС знаат да го прават кога станува збор за капитални инфраструктурни проекти

ВМРО-ДПМНЕ: За период од една години владата инвестира во локалните самоуправи преку видливи проекти

Синот на норвешката принцеза осомничен за три силувања