Ние сме победниците затоа што знаеме како треба да ги исполнуваме делата. Преспа ја вративме од летаргијата и покрај големиот долг, направивме многу, порача лидерот на ВМРО-ДПМНЕ и премиер на Република Македонија Никола Груевски на вечерашниот митинг во Ресен.
– Министерот во тренерки кој е повторно кандидат за градоначалник на вашиот град треба да се срами од своите постапки и владеењето во Ресен. Преспа заслужува иднина, ние имаме дела, имаме и во Преспа. Ќе победиме поради тоа што остваруваме. Тоа не држи и зборува дека нашите дела се конкретни, рече Груевски.
Преспа, додаде, е во нашите приоритети, овој регион е значаен во секој поглед, земјоделство, туризам и значајна местоположба. – Ваквите ресурси се основа за значаен економски развој кој придонесува за поубаво утре на цела Македонија, а посебно за овој регион, заклучи Груевски.
Кандидатот за градоначалник на Ресен на Коалицијата „За подобра Македонија“ предводена од ВМРО-ДПМНЕ, Ѓоко Стрезовски, презентирајќи ја својата визија за Преспа рече дека ќе биде градоначалник на сите граѓани на Ресен.
– Ќе бидам, градоначалник на сите граѓани на Мојот град, затоа што сакам моето дете да живее во Ресен. Имајќи во предвид дека мојата иднина е овде во Преспа, целиот свој ангажман ќе го вложам во проекти кои се за мене остварливи. Решавање на дел од проблемите на овоштарите, нови индустриски објекти, а со тоа и поголеми вработувања, реле Стрезовски.
На митингот беа претставени и кандидатите за советници на ВМРО-ДПМНЕ и Коалицијата „За подобра Македонија“.