Имаме одлична програма со која цврсто верувам дека градоначалникот Драги Наџински повторно ќе го добие мандатот од беровчани и ќе ја реализира програмата во наредните четири години, порача лидерот на ВМРО-ДПМНЕ и премиер Никола Груевски по денешната посета на општина Берово.
– Доказ за тоа е реализацијата на програмата во изминатите четири години со што граѓаните можеа да видат сериозна разлика меѓу Наџински и неговите претходници. Во овие четири години се виде раздвижување во Берово, иако Наџински имаше низок буџет на располагање, но и со него снаогајќи се во соработка со Владата, меѓународните институици и ЕУ изнајде средства да реши повеќе проблеми во градот и околината, изјави Груевски.
Toj заедно со Наџински, прошета низ градот и празговара со граѓаните за да ги чуе нивните размислувања, ги разгледа местата каде што се планира во идниот период да се инвестира во автобуска станица и пазар, а разговарале и за изградбата на отворен олимписки базен по пат на јавно партнерство, водоводи во Ратово и Двориште и повеќе улици низ градот.
– Како клучен проект за Берово на среден и долг рок е изградбата на Технолошко-индустриско развојната зона меѓу Берово и Пехчево што треба да почне да се гради во четвртиот квартал од годинава и во која очекувам да дојдат крупни домашни и странски инвеститори кои ќе инвестираат и ќе вработат луѓе, рече Груевски.
Кандидатот на коалицијата „За подобра Македонија“ за Делчево Наџински рече дека тоа што се ветува во неговата програма е издржано, проверено и се обезбедени финасиски средства.
– Во програмата се ставени проекти кои се од витално значење за развојот на општината и градот. Сакам градот да го направам уште поатрактивна туристичка дестинација, а со тоа директно и индиректно да придонесеме за поголем број вработувања, рече Наџински.