Премиерот Никола Груевски и министерот за образование Панче Кралев денеска ја пуштија во употреба новата спортска сала во основното училиште „Димка Ангелов Габерот“ во Кавадарци, каде настава следат 716 ученици.
Спортскиот објект со површина од 650 м2, чини 24 милиони денари, пари од буџетот и Банката за развој при Советот на Европа. Салата е енергетски ефикасна, со гардеробери, туш-кабини, санитарни јазли, простории за сместување на спортските реквизити, како и посебни простории за наставниците по спорт и спортски активности, а ќе биде достапна и за рекреација на жителите на општина Кавадарци. Во неа покрај спортски можат да се одржуваат и културни манифестации.