(ВИДЕО) Груби: Свесни сме дека годинава нема да станеме дел од ЕУ и НАТО

Свесни сме дека оваа година нема да станеме дел од ЕУ и НАТО, но треба да отпочнеме преговори, истакна Артан Груби на седницата на Комисијата за европски прашања чиј претседател е и додаде дека тоа што денес се чини тешко, утре ќе биде наградено.

„Оваа препорака е поразлична од претходните седум. Овој пат е навистина поразлична. Ние и Брисел гледаме кон иста цел. Опозицијата, позицијата, млади, стари, Албанци и Македонци застанаа зад иста цел, а тоа е подобар живот, повисоки плати. Сите надежи се кон евроинтеграциите. Се радуваме затоа што конечно научивме дека не можеме да напредуваме со партиска и владина контрола врз медиумите, ректоратот, професорите, студентските организации, наставниците, обвинителите, граѓаните. За ова најголемата одговорност е кај нас политичарите. Во најскоро време и другите ќе научат“, истакна претседателот на Комисијата за европски прашања.

Според Груби, одговорноста ја носи и академската заедница, судството, медиумите и невладините организации. Тој вели дека заокружени се клучни реформи, а со тоа е вратена довербата на членките на ЕУ и НАТО во Македонија.

„За да се има доверба во процесот, оваа препорака иако не е прва мора да биде последна“, вели Груби.

Кристијан Ландов

Би можело да ве интересира

Предлог-законот за заштита на правата на пациентите го помина првото читање

Ана Ололовска

Лашкоска: Тоа што Владата го презентирала пред комитетот на УНЕСКО не соодветствува со тоа што го нуди како предлог-закон

Ана Ололовска

Законот за управување на природното и културното наследство во Охрид пред пратениците

Ана Ололовска

Арта Точи од Алијансата на Албанците нова пратеничка на местото на Мемеди

Ана Ололовска

Собранието ја констатираше оставката на Мемеди

Ана Ололовска

Александра Цветковска го презема испразнетото пратеничко место на Горан Милевски

Ана Ололовска