Го поздравувам гласањето на СДСМ и коалицијата за потреба од законот за јазици и се надевам дека комисиската расправа ќе помине во најдобар ред и законот ќе биде донесен оваа година, рече Артан Груби од ДУИ, по изгласувањето од потреба на законот за јазиците.
Груби рече дека тој и неговата партија се разочарани од пратениците на ВМРО-ДПМНЕ кои гласаа против но се надева дека ќе ја променат оваа одлука и ќе гласаат позитивно кога ќе дојде време за изгласување на законот.
Груби истакна дека законот за јазиците е производ од политички договор помеѓу СДСМ и ДУИ и смета дека ќе биде изгласан бидејќи не се коси со Уставот.
– Не гледам потреба од голема амандманска расправа бидејќи законот е во рамките на Уставот. Седница на Комисијата за европски прашања ќе биде закажана на Денот на албанската азбука, рече Груби кој напомена дека со овој закон се заокружува нормативниот дел од Рамковниот договор.
Виктор Јованов