Изјавата на Весел Мемеди е избрзана, се надевам ќе размисли и ќе ја преиначи одлуката и ќе ја повлече оставката. Не учествував во разговорите, но колку што знам на НДП им е понудено министерско место без ресор, конкретно на местото на Шапуриќ, рече пратеникот на ДУИ, Артан Груби.
„Видовте дека и без Мемеди имаме мнозинство“, одговори Груби на новинарското прашање како ќе се одрази оставката врз парламентарното мнозинство, но додаде дека повлекување на оставката би било за добро на партијата НДП.
Вчера Мемеди поднесе оставка од пратеничко место и најави повлекување на сите функционери од неговата партија, лут што го разрешија министерот за локална самоуправа Сухејл Фазлиу.
