А1он

  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен
FacebookTwitterYoutube
А1он
Од: А1он
Македонија

Греувски: Наша задача е да вложуваме во нови повисоки стандарди во политиката

by А1он07/10/2012 - 18:5107/10/2012 - 19:08276
Share0

Наша задача и обврска е постојано да вложуваме во воспоставување нови повисоки стандарди во политиката.

Добивај вести на вибер

ВМРО-ДПМНЕ е лидер на таквите трендови во Македонија, истакна премиерот и лидер на ВМРО-ДПМНЕ Никола Груевски во обраќањето пред учесниците на четвртото издание на политичката академија „Павел Шатев“ што заврши денеска во Скопје.

Веќе долги години, посочи, во соработка со Институтот Павел Шатев и со фондациите Конрад Аденауер и Едуардо Фрај ВМРО-ДПМНЕ спроведува врвна обука на сите кадри, а пред се на младите кои имаат амбиции професионално да се занимаваат со политика и да се здобијат со теоретски и практични знаења за политиката и политичката култура.

Пред повеќе од 200 слушатели на политичката академија, Груевски порача дека на политичките школи, академии и факултетите може да се научат многу работи, но оти вистинскиот тест е кога ќе добијат шанса во пракса да спроведуваат политики. – Тоа е вистинскиот тест не само за тоа колку е научено теоретски, туку и за тоа за каков човек станува збор, колку е искрен и подготвен да направи нешто за своите граѓани и нешто позитивно за својата земја, нагласи Груевски.

Тука, појасни, може да се издифиренцираат два типа луѓе, оние кои работат многу, прават се што е во нивна моќ да ја постигнат целта и се креативни, и оние политичари кои функцијата ја гледаат како цел до која требало да дојдат.

Според Груевски, идните носители на функции треба да знаат дека на политичката зрелост мора да и претходи животната и оти треба да се работи совесно и да се внимава на личното однесување.

ВМРО-ДПМНЕ, како што рече, е со постојани напори и заложби образованието и постојаната едукација да се задржат на врвот на општествените приоритети. Убедени сме и цврсто веруваме дека една од најсигурните и најисплатливите инвестиции за иднината на секоја партија, истовремено и на секоја земја е постојаната потрага по нови знаења, наведе Груевски.

Квалитетната политичка комуникација, порача, се остварува единствено со високо ниво на политичка култура и образование. Нејзиното стекнување е долготраен процес во кој се вклучени многу фактори, почнувајќи од домашното воспитување, образованието, социјализиацијата, но и добри примери од околината.

Според Груевски, добриот политичар значи принципиелен и искрен однос кон електоратот и граѓаните, принципиелен и искрен однос меѓу партиите, а особено кон коалициските партнери, почитување на политичкиот неистомисленик, разбирлив политички јазик, добри политички манири и повисоки стандарди во политичкото работење.

– Добрите карактеристики на политичката дебата и комуникација во земјата демистифицираат голем број прашања и проблеми со кои се соочува нашата држава и даваат можност за вистински пристап и насоченост кон нејзиното решавање. Со тоа се придонесува и за правилна перцепција на јавноста во однос на прашањата кои се од национален интерес на нашата држава, рече Груевски во обраќањето пред учесниците на Политичката академија „Павел Шатев“.

premiervlada

Би можело да ве интересира

ВМРО-ДПМНЕ: Владата продолжува со инфраструктурен развој на државата

Горан Наумовски26/07/2025 - 15:54

Владата со препораки за работодавачите за топлотниот бран

Горан Наумовски22/07/2025 - 17:3022/07/2025 - 17:30

Владата донесе одлука: Ќе има покачување на пензиите

Горан Наумовски22/07/2025 - 16:4722/07/2025 - 17:10

Владата не даде согласност за вработување на 155 медицински сестри во тетовската болница, велат од ДУИ

Горан Наумовски21/07/2025 - 09:4821/07/2025 - 10:07

Собранието ќе одлучува за дополнетиот ребаланс на Буџетот одобрен од Владата

Горан Наумовски17/07/2025 - 11:00

ВМРО ДПМНЕ: Владата привлекува странски инвестиции и отвора нови работни места

Горан Наумовски17/07/2025 - 09:08
FacebookLike
TwitterFollow
InstagramFollow
YoutubeSubscribe

НАЈЧИТАНИ.

  • Facebook
  • Twitter
  • Instagram
  • Youtube
  • Импресум
  • Контакт
  • Маркетинг
  • Услови за користење

@2019 - A1on. Сите права задржани.

@2019 - A1on. Сите права се задржани
А1он
FacebookTwitterYoutube
  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен