Мнозинството во Собранието со 59 гласа за и со три против го донесе Законот за полиција.
Освен ВМРО-ДПМНЕ за ваквиот закон гласаше и екс министерот за внатрешни работи Павле Трајанов, но не и Лилјана Поповска од ДОМ . Против биле Љубица Буралиева и Роза Кареска Топузовска.
Солза Грчева, се гледа од листингот не гласала, иако нејзината картичка била евидентирана исто како и Илија Димовски и дел од ДУИ.
Иако јавноста негодуваше, сепак од сега полицијата доби законска основа да користи нови средства за присилба при растурање на насилни протести.
Со ова, полицијата ќе може да користи гумени куршуми, електрични парализатори и шок – бомби ако протестантите што го нарушиле јавниот ред и мир се оглушат на повикот на полицискиот службеник да се разотидат.
