Граѓански парламент во организација на Сојузот за иднината предводен од СДСМ се оддржа синоќа во Струга.
„И покрај силните ветувања од страна на централната и локалната власт за Струга не беше предвиден ни еден денар ниту во претходниот буџет, а ниту во буџетот за 2013 година кој беше насилно донесен“, рече претседателот на Општинската организација на СДСМ – Струга Ристе Ќушкоски.
„Што бара Министерот за внатрешни работи кога се разгледува точка за буџет. Граѓанинот Трајко Велјаноски по пет основи ги прекрши Уставот на република Македонија, Деловникот и Законот за Собрание. Од овде го поставувам прашањето. Некој за ова ќе одговара жестоко. На сцена е диктатура и фашизам и ние имаме историска обврска на диктатурата да и кажиме стоп“, рече пратеникот во Собранието на Република Македонија Митре Велјаноски.
На граѓански парламент се обратија и младите стружани.