Колоната демонстранти се упати кон МВР, со извици за оставка на Гордана Јанкуловска.
Претходно демонстрантите поминаа и ги поздравија средношколците, кои протестираат пред МОН.
Демонстрантите извикуваа „Нема правда, нема мир“, „Оставка за Јанкуловска“. Тие се спречени да се доближат до објектот на МВР.
Протестот пред МВР кореспондира со протести во другите градови низ Македонија, на кои исто се бара оставка на Јанкуловска и се изразува револт против прекуморена употреба на полициска сила.