„Избери го твојот приоритет- заедно ја градиме иднината“ е насловот на мерката која општина Крива Паланка ја воведе на својата интернет-страницата во насока на зголемување на транспарентноста и учеството на граѓаните во донесувањето на одлуките на локално ниво.
– Воведена е анкета, поставена на официјалната веб-страница на општината, www.krivapalanka.gov.mk, каде граѓаните можат да гласаат за приоритетните проекти кои сметаат дека треба да бидат реализирани: улици за изградба и асфалтирање, регионален патен правец, систем за водоснабдување, јавно осветлување, канализациски систем, регулација на водотек, детски забавни паркови и игралишта. Резултатите од анкетата ќе бидат користени за дефинирање на приоритетите на општината за следната, 2018 година, соопшти службата за информирање на општина Крива Паланка.
Дополнително достапна е и рубриката „Прашај го градоначалникот“. Граѓаните можат на официјалниот меил на градоначалникот Борјанчо Мицевски, [email protected], да постават прашања кои ги засегаат, да дадат предлози и сугестии, заштедувајќи време, кое би било потребно за закажување прием и посета во општинскиот кабинет.