Управните служби при Министерството за внатрешни работи, заради истекувањето на роковите за увид во избирачкиот список, со цел да им излезе во пресрет на граѓаните, утре ќе работат од 8:30 до 19 часот за аплицирање и вадење нови биометриски лични карти.
Јавен увид во Избирачкиот список во подрачните одделенија и канцеларии на ДИК од 26 јануари 2013 година кога започна увидот до први февруари извршиле вкупно 13.142 граѓани, соопшти Државната изборна комисија.
Увидот ќе трае до 9 февруари 2013 година до кога гласачите ќе можат да проверат дали се наоѓаат на Избирачкиот список.