Премиерот и претседател на ВМРО-ДПМНЕ Никола Груевски попладнево во центарот на Кавадарци имаше средба со граѓани и заедно со кавадаречкиот градоначалник Александар Панов со нив разговараше за планираните проекти во општината.
Беа посочени отворање трета индустриска зона, доградба на плоштадот и изградба на подземен коридор под плоштадот, како и изградба на нова автобуска станица.
Градоначалникот Панов, кој е во трка за нов мандат во вториот круг локални избори, посочи на реализираните проекти – асфалтиран патот од Кавадарци до село Ресава, почната изградба на патот до месноста Мушов Гроб, реконструирани повеќе училишта во општината. Панов најави и изградба на патот од село Ресава до село Бегниште.
Премиерот Груевски, градоначалникот Панов и министерот Панче Кралев денеска во кавадаречкото основно училиште „Димката Ангелов-Габерот“ свечено пуштија во употреба спортска сала, која е дел од проектот на Владата и Министерството за образование и наука за изградба и опремување на 145 училишни спортски сали.