Делегација на општина Карпош предводена од градоначалникот Стевчо Јакимовски присуствува на одбележувањето на Денот на црногорската општина Тиват, 21 ноември.
Како што соопшти општина Карпош, општината е збратимена со општина Тиват, кој го одбележува својот роденден со свечена академија, на која свое излагање имала претседателката на општината Снежана Матијевиќ.
На свечената академија присуствуваа претставници од државниот врв на Црна Гора, меѓу кои претседателот Филип Вујановиќ, градоначалниците на повеќе збратимени општини и познати личности од културниот свет и бизнис заедницата.
Традиционално празникот се одбележа со неколку културни манифестации, предавање на знамето на општината, препознатливиот „марш на мажоретките“ и посета на пристанишните знаменитости.