Актуелниот градоначалник на општина Гевгелија, Иван Франгов од ВМРО-ДПМНЕ и коалицијата „За подобра Македонија“ и во наредните четири години ќе раководи со општината.
На вчерашните локални избори, според резултатите од Општинската изборна комисија, од вкупно 16.305 избирачи колку што излегле на гласање на 35-те избирачки места во општината, довербата на Франгов му ја дале 8.722 гласачи.
За кандидатот Саве Марачков од коалицијата „Сојуз за иднината“ гласале 6.467 граѓани, за Петар Ефтимов од СДУ 184 и за Јован Платански од СДП 184 гласачи.
Според добиените гласови за советничките листи, новиот општински совет ќе го сочинуваат 11 советници од коалицијата „За подобра Македонија“ и осум од коалицијата „Сојуз за иднината“.
