Градоначалникот на општина Карпош Стефан Богоев денеска се сретна со српската амбасадорка Душанка Дивјак–Томиќ.
На средбата, како што информира општина Карпош, Дивјак–Томиќ се интересираше за урбанистичкото планирање во Карпош и ја поздрави одлуката новиот Клинички центар да се гради во Бардовци.
Градоначалникот Богоев нагласил дека ќе опстои на даденото ветување, урбанизацијата да биде планска и да се дисперзира во периферните делови на локалната самоуправа.
– Град Скопје, но и Карпош се шират по сите основи. Веќе постои тенденција луѓето да „бегаат“ од централното градско подрачје и да живеат во околните делови на градот, кои треба инфраструктурно да ги зајакнеме, рече Богоев.
На средбата се разговарало и за соработката која ја има Карпош со општините Нови Београд и Врњачка Бања.