Општина Богданци, претставувана од градоначалничката Анастасија Олумчева, од денеска до 27-ми септември учествува на големата манифестација на општини од Југоисточна Европа „NEXPO 2013“ која се одржува во хрватските градови Опатија и Ријека.
На овој меѓународен саем на локалните власти, Олумчева пред потенцијалните инвеститори и експерти ќе има можност да ги презентира проектите на општина Богданци во областа на енергетската ефикасност и обновливи извори на енергија, како и да ги истакне потенцијалите за развој на територијата на Македонија.
Централни теми за дискусија на саемот на општините од Југоисточна Европа ќе бидат од сферата на бизнисот и создавање можности за инвестиции преку проекти од областа на енергетската ефикасност.
Најавено е учество на претставници од Европската унија, на околу 4.000 претставници од општините, 250 градоначалници, развојни агенции, здруженија на граѓани и бизнисмени од Европа.