Градежните работници се пуштени, Обвинителството го почна увидот за пожарот во Универзална сала

Од:

Откако локацијата e обезбедена и се создадени неопходни услови, увидни екипи со јавен обвинител од Основното јавно обвинителство Скопје денеска го започнаа увидот на објектот на Универзалната сала каде вчера изби пожар.

-Локацијата ќе биде детално прегледана за да се обезбедат сите докази неопходни за утврдување на причините за настанување на пожарот. Стручно вешто лице ќе се произнесе дали пожарот е евентуално предизвикан од човечки фактор или се работи за несреќен случај, се наведува во денешното соопштение од Обвинителството.

Во текот на вчерашниот ден, во рамките на своите надлежности, Државниот инспекторат за труд изврши контрола на работењето на фирмите ангажирани за реконструкција на објектот и изготви записник.

-Бидејќи се уште трае фазата на прибирање докази, односно до овој момент не е утврдено дека пожарот настанал како последица на човечки фактор, вчера во полициска станица беа земени изјави од три задржани лица, по што тие беа пуштени со оглед на тоа што во оваа фаза нема основ за нивно натамошно задржување, велат од Јавното обвинителство.

Би можело да ве интересира

Обвинителството ги утврдува причините за смртта на седумесечното бебе од Вевчани

Киднапиран, избоден и претепан скопјанец – еден од напаѓачите полицаец

За злоупотреби на ваучерите поднесено обвинение против дванаесетмина

Маскиран влегол со автоматска пушка и украл на 5000 евра од казино во Лешок

Бајрами: Изборниот ден се одвива без поголеми нарушувања и нерегуларности

Арсовска: Нема да поминат заканите за тужба, да се одговори кога е осигуран објектот на Универзална сала