Град Скопје започна со подготовки за пречекот на Нова година. За изработка, реализација на проект за украсување и декорирање, градските власти процениле дека им се потребни 8.813.559 милиони денари без ДДВ или околу 143.000 евра.
Во тендерот објавен на Бирото за јавни набавки стои:
„Архитектонски услуги; инженерски услуги и интегрални инженерски услуги; услуги за просторно планирање и инженерски услуги за уредување на земјиштето; поврзани научни и технички советодавни услуги; услуги за технички испитувања и анализа“
Освен организација на дочекот на „најлудата“ ноќ, градот распиша и тендер за организирање и огномет.
Оваа услуга градските власти ја процениле на 508,474 илјади денари без ДДВ или околу 8,200 евра.
Во деталниот опис за оваа услуга стои: Категорија на услуга: бр.27
„Други услуги кои не се опфатени во член 2 од оваа уредба (освен услугите кои се однесуваат на купување, развој, продукција или копродукција на програмски материјали од страна на радио и телевизиски куќи или за термините на радио и телевизиско емитување на програма)“
Доколку се соберат проценетите вредности на услугите кои ги бара на тендер град Скопје излегува дека од нивната каса за дочек на Нова Година ќе се одвојат 9,322,033 милиони денари или 151.000 евра, а крајната потрошена сума може да се намали доколу на електронската аукција се пријават повеќе фирми.