Град Скопје денеска учествува на Проектниот саем за социјално вклучување што се одржува во Конгресниот центар на Скопскиот саем со што се одбележува и успешното завршување на проектот „Зајакнување на релевантните актери за социјална инклузија на локално ниво“, поддржан од Европската унија.
На штандот на Градот се изложени печатени материјали и документи во кои се промовираат проекти и активности реализирани од Град Скопје, во областа на социјалната инклузија, а преку видеопрезентацијата беа промовирани и позначајните проекти на Градот од оваа област.
На Град Скопје, му беше доделен и сертификат за успешна реализација на проектот.
Настанот имаше за цел да се промовира општествената одговорност на претпријатијата заради социјално дејствување во Македонија, односно да се изложат проекти или проектни идеи и да се направи обид да се привлече деловниот сектор да ги финансира тие проекти.