Градоначалникот на Град Скопје Коце Трајановски и претседателот на Советот на Град Скопје Ирена Мишева денеска по повод големиот македонски државен празник 11-ти Октомври положија цвеќе пред Споменикот на Партизанските гробишта во Бутел.
Трајановски и Мишева положија цвеќе и пред Споменикот на Методија Андонов Ченто на Плоштадот Македонија, како и пред гробовите на поранешните претседатели на Република Македонија Киро Глигоров и Борис Трајковски и пред гробот на генерал Михајло Апостолски.