Три маскирани лица синоќа извршиле разбојништво над вработените во продавница лоцирана на улица „Бранислав Нушиќ“ во Скопје.
Како што соопшти МВР, вчера во 21:17 часот во полиција било пријавено дека во продавница на ул. „Бранислав Нушиќ“ три непознати маскирани лица извршиле разбојништво над вработените.
Сторителите со закана со пиштол на вработените и купувачите им наредиле на легнат на земја, по што одзеле околу 50.000 денари од дневниот промет и побегнале во непознат правец.
Се преземаат мерки за пронаоѓање на сторителите и за целосно расчистување на случајот.
