Полицијата извести дека во ОВР Гостивар, 32-годишна жителка на гостиварско село пријавила дека во текот на 2022 година била измамена од А.А.(31) од Тетово.
Жртвата се запознала со А.А. преку посредници, а А.А. ѝ се претставила како вработена во странска амбасада. Тие се договориле за сума од 1700 евра да ѝ обезбеди виза за една европска држава.
Во септември 2022 година на А.А. ѝ дала 500 евра, додека останатиот дел, според договорот, требало да ги исплати нејзиниот сопруг.
Откако до 25.7.2023 работата не била завршена, таа сфатила дека била измамена и случајот го пријавила.
Од МВР велат дека се преземаат мерки за расчистување на случајот.