Педесет и шестгодишен гостиварец Љ.Д. загинал во сообраќајна несреќа што се случила вчера 10 минути по полноќ на локалниот пат Гостивар-село Куново.
Како што соопшти полицијата тој управувајќи со патничкото возило „опел аскона“ со гостиварски регистарски ознаки излетал од патот, а од здобиените повреди починал на самото место.
Телото и возилото биле пронајдени во 13 часот. Увид на местото на настанот извршиле јавен обвинител и екипа од Полициската станица Гостивар. По наредба на јавен обвинител над телото на починатиот ќе се врши обдукција.