Триесет и шест годишната гостиварка С.З вчера е повредена со прострелна рана во левата потколеница од нејзиниот невенчан сопруг Ф.М (46) додека ја чистел ловечката пушка, соопшти денеска Министерството за внатрешни работи.
Повредената жена од гостиварското село Долна Ѓоновица била донесена во Медицинскиот центар Гостивар вчера во 14 часот и 30 минути.
Според МВР, Ф.М. ја чистел ловечката пушка која ја поседувал со дозвола и од невнимание испукал еден куршум, кој ја погодил невенчаната сопруга.
Се работи на целосно документирање на случајот.