Во пресрет на празниците и зголемениот прилив на возила со доаѓањето на печалбарите, гостиварската Полициска станица нагласено внимание ќе му посвети на паркирањето на возилата во градот, информираат од СВР Тетово.
Активностите ќе се спроведуваат до крајот на овој и во првата половина на идниот месец, период кога вообичаено се зголемува вкупната сообраќајна фрекфренција на подрачјето.
– Без исклучоци ќе се санкционираат сите прекршоци кои се однесуваат на погрешно паркирање, со цел да се обезбеди непречено и безбедно движење на возилата и пешаците по улиците и тротоарите. Оние кои го попречуваат нормалното движењето ќе се подигнуваат сo „пајак-служба“ и за што прекршителите, покрај другото, ќе треба да платат и определен паричен надоместок, вели Марјан Јосифоски портпарол на СВР Тетово.