Во Гостивар вчера околу 20 часот во населбата Зона 7, четириесет и петгодишниот Ф.А. физички нападнал две момчиња кои пребрзо возејќи поминале покрај неговата куќа.
Непосредно после тоа дошол и нивниот татко А.Ш.(44) заедно со Е.И.(44) и по кратка расправија, Ф.А. со истрел од пиштол го погодил Е.И. и му нанел прострелна рана во колено.
На Е.И. му е укажана лекарска помош во Медицински центар Гостивар, а останатите лица се приведени. По целосно расветливање и документирање на настанот ке бидат поднесени соодветни пријави.