Според најновите информации од ЈП Македонија пат, сообраќајот на сите магистрални и регионални патни правци низ државата се одвива непречено, во зимски услови, на места по влажни коловози со мали остатоци од кашест снег. Поради ниските температури коловозите се подмрзнати, но постојано се фрла сол или песок.
Дежурните екипи на ЈП Македонија пат се на терен и редовно ги контролираат и одржуваат проодни сите патни правци.
По клисурите и засеците можна е почеста појава на поситни одрони, посебно на патните правци Маврово-Дебар-Струга, Д.Капија-Удово и Катланово-Велес, кои можат да го попречат движењето на возачите.
АМСМ ги потсетува сите возачи дека законската обврска за поседување на зимската опрема во возилата, без оглед на моменталната временска состојба, трае до 15.03.2013.