Голем пожар беснее кај битолското село Лисолај, во кој пеплоса над 100 хектари нискостеблеста шума, но предизвика и огромна паника кај месното население.
Огнот избувна пред три дена кај месносна Црнобуки, а според Противпожарната единица постои голема опасност пожарот да се прошири во селото.
Со огнената стихија на терен се борат околу 50 пожарникари, лица вработени во Шумското претпријатие и други доброволци.
-Ова е најголемиот пожар во битолскиот регион ова лето. Има критично место, па бараме да се вклучат и ер-тракторите на Дирекцијата за заштита и спасување со цел огнот да се изгасне што побрзо. Досега изгоре голема површина, народни кажано колку четири рида, главно нискостеблеста шума“, вели командирот на битолската противпожарна единица, Костадин Поповски.
