Голем пожар кај селото Ротино, се бараат авиони за гаснење на огнот

Од:

Голем пожар попладнево го зафати Потпелситерието, лоциран во атарот на селото Ротино. Екипите на противпожарната единица од Битола веднаш се упатија на терен, но поради засилениот ветер, пожарот бргу се прошируваше и претставуваше опасност да ја зафати моликовата шума.

Имајќи ги во предвид околностите дека се работи за тешко пристапен терен и покрај ангажираноста на противпожарните служби, јавните претпријатија на локално и државно ниво, надлежните служби за заштита, спасување и ЦУК, локализирањето и гаснењето на пожарот е исклучително тешко.

Кризниот штаб за заштита и спасување при Општина Битола одржа состанок со градоначалничката Наташа Петровска и донесен е заклучок дека е потребно ангажирање на ДЗС со активирање на механизирани средства кои би дејствувале од воздух.

Во моментов на терен пожарот го гаснат битолските пожарникари, едно противпожарно возило од РЕК Битола и едно од Општина Ресен, а во акцијата се вклучени и вработените во НП Пелистер, како и локалното население.

Од ТППЕ Битола информираат дека во текот на денот имале шест противпожарни интервенции. Покрај големиот пожар во Ротино, екипите на терен гаснеле пожари во Ниже Поле, Драгожани, во Мариовскиот дел и во градското подрачје.

Би можело да ве интересира

Голем пожар во атарот на росоманското село Паликура

Ана Ололовска

ВИДЕО: Пожар близу Лос Анџелес, две лица загинаа, 100.000 евакуирани

Откако им изгоре куќата, семејството Воденски од беровско Русиново, остана и без својата плевна

Ана Ололовска

Израелскиот амбасадор зачуден: Една година чекам одобрение за споменик на Евреите во Битола

Маја Илиевска-Пачемска

ВИДЕО: Петмина повредени во пожар на железничката станица во Џеда

Пожар во село Коњаре