Гоце Делчев-Тодев кој е претседател на Независниот полициски синдикат е заразен со коронавирус. Тој на социјалните мрежи потврди дека утрово му го кажале резултатот од тестот. Според него, контакт со заразено лице имал 12 дена пред првите симптоми.
ЗА ЖАЛ КОРОНА ТЕСТОТ КАЖУВА ДЕКА СУМ ПОЗИТИВЕН Ми СЕ СЛУЧИ ПРВ ПАТ во ЖИВОТ ТЕМПЕРАТУРА 38.2 и КОРОНА ДЕНОТ на ПРВИТЕ СИМТОМИ 07.06.2020СОМНИТЕЛЕН КОНТАКТ со ЗАРАЗЕНО ЛИЦЕ од КОРОНА 26.05.2020
Posted by Goce Delcev on Четврток, 11 јуни 2020
„Ми се случи првпат во живот да имам температура 38.2 и корона. Денот на првите симптоми е 07.06.2020, додека сомнителен контакт со заразено лице од коронавирус имав на 26.05.2020“, пишува Делчев Тодев.
Инаку, бројот на заболени од коронавирус се зголемува и во Министерството за внатрешни работи. Вчера, техничкиот министер Наќе Чулев објави дека негов советник е заразен од коронавирус, додека, претходно, беа евидентирани 30 случаи на заразени службеници.