Полициски службеници од СВР Куманово на 31 мај во 21:15 часот го лишиле од слобода Д.П. (35) од Куманово, осомничен дека противправно држел и малтретирал 36-годишен сограѓанин.
Според информациите од полицијата, осомничениот од 23 часот на 29 мај до 7 часот на 31 мај, без согласност на жртвата и со употреба на сила, го држел во својот дом неговиот познаник од Куманово.
Во текот на тој период, како што е пријавено, Д.П. повеќепати физички го нападнал лицето, го принудувал на орални сексуални дејствија и на користење дрога.
При приведувањето, кај осомничениот биле пронајдени и одземени марихуана, мобилен телефон со остатоци од бела прашкаста материја, како и други предмети за кои постои сомнение дека се поврзани со кривичното дело.
Д.П. е задржан во полициска станица, а по целосно документирање на случајот против него ќе биде поднесена соодветна кривична пријава.