Полициски службеници од Струмица извршиле претрес кај две лица во местото викано „Цареви Кули“. Кај едниот од нив пронашле марихуана по што го привеле во станица. При разговор со лицето тој самиот признал дека дома има уште наркотични средства и се согласил доброволно да им ги предаде на полицајците.
„ На 18.4.2024 во 19.30 часот на место викано „Цареви кули“ во Струмица, полициски службеници од СВР Струмица ги лишиле од слобода А.С.(34) и В.С.(35), двајцата од село Василево, струмичко. При преглед над нив, кај А.С. била пронајдена марихуана. Во службен разговор во Полициската станица Струмица А.С. признал дека во домот поседува и друга количина, која потоа доброволно ја предал на полициските службеници. “, велат од МВР.
За настанот бил запознаен јавен обвинител од Основното јавно обвинителство Струмица и по негово целосно документирање ќе биде поднесена соодветна пријава.