45 лица кои се наоѓаат на издржување на казна затвор или се во притвор во истражниот затвор Шутка, во затворите во Куманово, Штип и Идризово денеска го искористиле своето избирачко право и гласаа за референдумот на локално ниво.
Според информациите од ДИК гласањето помина во ред, а записниците се под надзор и овие гласачки ливчиња ќе се бројат утре по 19 часот заедно со другиот материјал.
Денеска е распределен и избирачкиот материјал во сите 78 избирачки места.
Граѓаните утре од 7 до 19 часот ќе можат да гласаат за референдумот на вообичаените места кадешто гласаат за парламентарни, локални и претседателски избори.
